LRC歌词下载 专辑：Louis Vuitton SoundWalk: Hong Kong
制作：林子钰BassLin
制作：林子钰
前边有一条好斜嘅楼梯 行落去 慢慢行
庙祝抬起头 用奇怪嘅眼光望住我 佢问："边个啊？"
我答佢："我个朋友啊 就係我身后边几步啧嘛"
"你朋友？係边度啊？"
我话："果度咯！果个男仔咯！"
个庙祝望住我 好似好奇怪咁
"你朋友走咗啦 我答唔到你嘅问题 小姐 咁係无结果咖 忘记佢啦"
宜家你会见到一个路牌 写住摩罗上街 转左到咗摩罗上街
我话："香港有好多鬼咖 或者我见到嘅都係鬼"
佢仍然都係笑住 但係我好似见到佢嘅眼有泪光
佢话："人死后 有啲会变成鬼 佢地係凡间游荡 唔可以安息"
一直向前行 跟唔跟到啊？
哩度係古董市场 又叫做猫街市场
你可以係哩度稳到好多唔同嘅旧货 古董 成人公仔 相 同埋明信片
或者係毛泽东海报 手表 人像 红书仔 毛语录
同其他共产党嘅艺术品之中
毛主席宜家係中国超红嘅潮流人物
继续稳嘅话 我会见到上海嘅成人艺术品 钱币 珠仔 玉器 颈链 小饰物同埋旧电话
抬头望吓 右边有一条石头同云石铺成嘅楼梯
通去CanStreetGallys 入口上边有个红色招牌
係哩度停低 就係电灯柱隔离
左边係李小龙嘅功夫海报 同埋共产党嘅旧海报
再望落啲 仲有好多寄失咗嘅情信
哩啲信 永远都冇办法送到情人嘅手上边
只可以原封不动咁 放係度 等啲陌生人将佢带走
宜家转身係你嘅左边 灯柱下 楼梯前边
有一个细细嘅手提箱 放满咗无人要嘅相
我拎起啲相 逐一咁睇
我同个男仔讲："真係奇怪喇 你知唔知啊 你就係果个庙祝前边 但係佢居然见你唔到喔"
佢问："乜真係咁重要咩？"
我话："咁又係嘅 可能根本唔重要 反正总有一日 我啲都净係会留低啲相"
见唔见到有条楼梯仔通去下边条巷啊 沿住果条楼梯行落去
係哩度停低 左边有一间古董铺
行入去 穿过铺头
小心啲 有时候啲货可能会跌咗落黎
如果店主冯先生係度嘅话 咁就同佢打声招呼喇
继续穿过间铺头 行到铺头嘅另一边 出去
向右转 然后 落楼梯
我地宜家嚟到乐古道 先过马路 然后 沿住条巷行 东街 小心左边有车哇
果个男仔係哩度同我讲佢屋企嘅故事
200年前 佢嘅祖先係渔民 住係鸭巴颠河嘅河岸
係19世纪中 佢太爷成立住一间叫泽全嘅小贸易公司
英国就贸易同鸦片同中国发起两场战争之后
香港割让咗比英国 中国要被逼开放六个港口
泽全成为举足轻重嘅贸易公司 係香港同上海大约有十间烟馆
佢爷爷係士丹利街出世 係鸦片嘅烟雾中诞生係烟床上边
我地嚟到皇后大道中哩条大街 我地会过马路
然后行入摩利臣街 小心 留意啲灯口
我宜家过咗马路喇 你跟唔跟到啊
沿摩利臣街 行落去 就会去到上环区嘅喇
二十年代 英国政府禁止售卖鸦片 所有嘅香港烟馆都被逼结业
染上咗鸦片烟瘾嘅爷爷 好快就散尽家财
宜家我地係摩利臣街同苏杭街嘅交界 转右入咗苏杭街
咁多年嚟 香港哩个地区都无咩大改变 哩度嘅人大部分都係批发商
係右边 130号 见唔见到兆成行有限公司嘅招牌
係哩度停一阵 哩间铺头睇落平平无奇
但係佢地卖嘅香薰油 係全香港最好嘅
连法国南部glass嘅薰衣草香薰油都有
睇吓个架 放满咗蜜蜡 仲有整化妆水同香水嘅其他材料
佢 就係哩度 细细声话我知 佢中意果种香薰嘅神秘配方
我係手巾仔滴咗一滴麝香同两滴芒果精油
我地离开兆成行 转右 继续行落苏杭街
跟住喔 係右边 见唔见到第116到118号米铺
见唔见到果啲木箱 闻唔闻到米嘅味道
记住 最贵嘅白米通常会放係柜台前边 比老板睇实呀嘛
继续行
好快就会去到112号果间红茶馆
抬眼望吓右边果间好靓嘅铺面 你睇下
係铺头入边 就好似时光倒流咁
你会见到袁先生用毛笔好小心咁记数
佢啲朋友都会嚟哩度 饮翻杯茶
佢地净係卖一种茶 源吉林茶
哩种茶又叫 甘和茶
因为味道甘苦 清热 解毒
继续行落苏杭街
你係咪係苏杭街同急庇利街交界 转左入去急庇利街
香港嘅一秒等于New York嘅一分钟
哩个城市唔会慢慢咁重修
宜係会将一切移平再重新起过
酒店同铺头就好似雨后春笋咁 起得好快
前边左方就係急庇利街嘅休息处
朝早会有本地人係哩度耍太极 保持身体壮健
就係公园后边 你会见到裘记鸟行 係60至62号
係哩度停一阵
果个男仔指住铺头外边一只紫色尾嘅灰色鹦鹉 话哩只係非洲嘅灰鹦鹉
好磁人嘅 如果要同主人分开 佢就会伤心而死
继续沿住急庇利街落山
宜家我地嚟到急庇利街同文咸东街嘅交界
过咗文咸东街嘅马路 然后沿住急庇利街行落去
果个男仔嘅爷爷係日战时期因为营养不良 死咗
全家得翻佢爸爸 后嚟 佢爸爸 就做咗医生
你睇 係香港繁荣美丽嘅外表下 其实 收埋咗好多鲜为人知嘅悲剧
望高头 你会见到一个有白色燕子嘅蓝色霓虹招牌
前边左方 就係简发海味有限公司 係121至125号 行入去
宜家我地嚟到哩间传统嘅铺头
专卖啲稀奇古怪嘅食物 同埋丹药
啲人相信 哩啲嘢 有医疗功效
铺头入边有数之不尽嘅鱼干 海蜗牛 海参 燕窝 同埋鱼翅
我地穿过间铺头 係面前另一道门出去外边
我地宜家嚟到急庇利街同永乐街交界 转左 然后沿住永乐街行落去
係对面嘅马路 你会见到一个大招牌
瑞兴生荣有限公司 90号
入边有班女人楚係张台隔离
台上边放咗一堆人参
佢地后边嘅玻璃柜 摆满咗唔同嘅燕窝
果啲係中国人最珍贵嘅食材
佢地会煮啲燕窝嚟食
一直向前行
我地又翻到摩利臣街 转右 沿住摩利臣街行落去